ትንኝን ማጥራት ግመልን መዋጥ

                       ትንኝን ማጥራት ግመልን  መዋጥ   ማቴ 23

• ሁሌ እኔ ቤተክርስቲያን ሳለስቀድስ ስቀር ተቸግሬ ነው::ሌላው ሠው ሲቀር ግን ደካማ ለቤተክርስቲያን ቀናኢ አስተሳሰብ የሌለው ሆኖ ነው::
• ሠውን ሳማና ስተች ከእውነት ከልብ ከመነጨ ቅን አስተሳሰብ ነው::ሌሎች ሲሆኑ ግን ሐሜቶኞች ወሬኛ ሠው አናጋሪ ነገር ለቃሚዎች ናቸው::
• እኔ ቤተክርስቲያን ውስጥ ስስቅ ስቀልድና ስዘልፍ ከጓደኛዬ ጋር እየተጫወትኩኝ ነው::ሌሎች ሲሆኑ ግን የቤተክርስቲያን ህግ እና ሥርዓት እየጣሱ ነው::
• እኔ ሳልጻም ሳልጸልይ ቤተ እግዚአብሔር ሳልሄድ ሳልሰግድ ስቀር ሕመሜን የልቤን ችግር እግዚአብሔር ተረድቶት ነው::ሌሎች ሲሆኑ ግን ሰነፎች አስመሳይ ክርስቲያኖች ሆነው ነው::
• እኔ ጠጥቼ ስሰክር ስዳንስ ስጨፍር ሳጨስ ትንሽ የሥጋ ድካም ተሰምቶኝ ነው::ሌሎቹ ሲሆኑ ግን የቤተክርስቲያን ማንነት አሰዳቢ ናቸው::
• እኔ ጠንቆይ ቤት ስሄድና ሳስጠነቁል ጨሌ አቴቴ ሳደርግ ፅንስ ሳስወርድ ጨንቆኝ የማደርገው ጠፍቶኝ ነው::ለሎች ሲሆኑ ግን ጣኦት አምላኪዎች ነፍሰ ገዳዬች ናቸው::
• እኔ ሳመነዝር የትዳር ጓደኛ ለመምረጥ ጥረት እያደረኩ ነው::ደግሞም እኮ እግዚአብሔር ብዙ ተባዙ ምድርንም ሙላአት የሚለውን ቃል እየፈጸምኩኝ ነው:: ሌሎች ሲሆኑ ግን ሴሰኛ ሆነው ነው::
• እኔ ለድሃ ምፅዋት ስሰጥ ራርቼ አዝኜ ችግራቸው የእኔ ችግር ሆኖ ነው::ሌሎች ሲሆኑ ግን ሀብታቸውን ንብረታቸውን ለሰው ሊያሳዩ ለታይታ ነው::
• እኔ ጉቦ ስበላና ስሰርቅ ቸግሮኝ ኑሮዬን ለማሸነፍ ጥረት እያደረኩ መሆኑን እግዚአብሔር የልቤን ችግር ስለሚያውቅ ነው:: ሌላው ግን ጉቦኛ ሌባ ሆኖ ነው::
• እኔ ስጾም ስጸልይ ጻድቅ ትሑት ሆኜ   የእግዚአብሔር ፍቅር አሸንፎኝ ነው::ሌላው ሠው ሲሆን ግን የሚሠራውን ሲያጣ የረሃብ አድማ በራሱ ላይ እያደረገ ነው::
• እኔ ጠዋት እንቅልፍ ይዞኝ ሥርዓተ-ቅዳሴ  እንደተጀመረ ቤተክርስቲያን ስገባ ምንም አይደለም እግዚአብሔር እንደ ደከመኝ ያውቃል::ሌላው ሲሆን ግን የእግዚአብሔርን መላእክት እየረገጠ መግባቱና ሥርዓት ማፍረሱ ነው::
• እኔ ቤተእግዚአብሔር ጉባዔ ስቀር በጣም ሥራ በዝቶብኝ ጊዜ አጥቼ ነው::ሌሎች ሲሆኑ ግን ከእግዚአብሔር እየራቁና አየሰነፉ መምጣታቸው ነው::
• እኔ ቤተክርስቲያን ቀርቼ ሠርግ ድግስ ዘመድ ጥየቃ ስሄድ ሠው ብቻውን ያለሠው መኖር እንደማይቻል ራሱ እግዚአብሔር ጠንቅቆ ስለሚያውቀው ነው::ሌሎች ሲሆኑ ለቤተክርስቲያን ቅናት ተቋርቋሪነት ፈፅሞ የሌላቸው ከንቱዎች ሆነው ነው::

ታዲያ የራስን ኃጢያት በመልካም ሥም ከማሞካሸት ተመልሼ የሌላውን ኃጢያት በባትሪ ፈልጌ ከመንቀስ ተቆጥቤ ግመልን ውጬ ትንኝን አጥርቼ ትንሿን የአፈር ክምር ተራራ ማሣከል ትቼ ራሴን ማስተካከል እንድጀምር እግዚአብሔር ይርዳኝ::

የማቴዎስ ወንጌል 23

“በዚያን ጊዜ ኢየሱስ ለሕዝቡና ለደቀ መዛሙርቱ እንዲህ ብሎ ነገራቸው። ጻፎችና ፈሪሳውያን በሙሴ ወንበር ተቀምጠዋል።ስለዚህ ያዘዙአችሁን ሁሉ አድርጉ ጠብቁትም፥ ነገር ግን እየተናገሩ አያደርጉትምና እንደ ሥራቸው አታድርጉ። ከባድና አስቸጋሪ ሸክም ተብትበው በሰው ትከሻ ይጭናሉ፥ እነርሱ ግን በጣታቸው ስንኳ ሊነኩት አይወዱም።ለሰውም እንዲታዩ ሥራቸውን ሁሉ ያደርጋሉ፤ ስለዚህ አሽንክታባቸውን ያሰፋሉ ዘርፉንም ያስረዝማሉ፥ በምሳም የከበሬታ ስፍራ፥ በምኵራብም የከበሬታ ወንበር፥በገበያም ሰላምታና። መምህር ሆይ መምህር ሆይ ተብለው እንዲጠሩ ይወዳሉ።እናንተ ግን። መምህር ተብላችሁ አትጠሩ፤ መምህራችሁ አንድ ስለ ሆነ እናንተም ሁላችሁ ወንድማማች ናችሁ። አባታችሁ አንዱ እርሱም የሰማዩ ነውና በምድር ላይ ማንንም። አባት ብላችሁ አትጥሩ። ሊቃችሁ አንድ እርሱም ክርስቶስ ነውና። ሊቃውንት ተብላችሁ አትጠሩ። ከእናንተም የሚበልጠው አገልጋያችሁ ይሆናል።ራሱን ከፍ የሚያደርግ ሁሉ ይዋረዳል፥ ራሱንም የሚያዋርድ ሁሉ ከፍ ይላል።እናንተ ግብዞች ጻፎችና ፈሪሳውያን፥ መንግሥተ ሰማያትን በሰው ፊት ስለምትዘጉ፥ ወዮላችሁ እናንተ አትገቡም የሚገቡትንም እንዳይገቡ ትከለክላላችሁ።እናንተ ግብዞች ጻፎችና ፈሪሳውያን፥ በጸሎት ርዝመት እያመካኛችሁ የመበለቶችን ቤት ስለምትበሉ፥ ወዮላችሁ፤ ስለዚህ የባሰ ፍርድ ትቀበላላችሁ።እናንተ ግብዞች ጻፎችና ፈሪሳውያን፥ አንድ ሰው ልታሳምኑ በባሕርና በደረቅ ስለምትዞሩ፥ በሆነም ጊዜ ከእናንተ ይልቅ ሁለት እጥፍ የባሰ የገሃነም ልጅ ስለምታደርጉት፥ ወዮላችሁ።እናንተ። ማንም በቤተ መቅደስ የሚምል ምንም የለበትም፤ ማንም በቤተ መቅደስ ወርቅ የሚምል ግን በመሐላው ይያዛል የምትሉ፥ ዕውሮች መሪዎች፥ ወዮላችሁ።እናንተ ደንቆሮዎችና ዕውሮች፥ ማናቸው ይበልጣል? ወርቁ ነውን? ወይስ ወርቁን የቀደሰው ቤተ መቅደስ? ደግማችሁም። ማንም በመሠዊያው የሚምል ምንም የለበትም፤ ማንም በላዩ ባለው መባ የሚምል ግን በመሐላው ይያዛል ትላላችሁ። እናንተ ደንቆሮዎችና ዕውሮች፥ ማናቸው ይበልጣል? መባው ነውን? ወይስ መባውን የሚቀድሰው መሠዊያው? እንግዲህ በመሠዊያው የሚምለው በእርሱና በእርሱ ላይ ባለው ሁሉ ይምላል፤ በቤተ መቅደስም የሚምለው በእርሱና በእርሱ በሚኖረው ይምላል፤በሰማይም የሚምለው በእግዚአብሔር ዙፋንና በእርሱ ላይ በተቀመጠው ይምላል።እናንተ ግብዞች ጻፎችና ፈሪሳውያን፥ ከአዝሙድና ከእንስላል ከከሙንም አሥራት ስለምታወጡ፥ ፍርድንና ምሕረትን ታማኝነትንም፥ በሕግ ያለውን ዋና ነገር ስለምትተዉ፥ ወዮላችሁ፤ ሌላውን ሳትተዉ ይህን ልታደርጉ ይገባችሁ ነበር።

እናንተ ዕውሮች መሪዎች፥ ትንኝን የምታጠሩ ግመልንም የምትውጡ።እናንተ ግብዞች ጻፎችና ፈሪሳውያን፥ በውስጡ ቅሚያና ስስት ሞልቶ ሳለ የጽዋውንና የወጭቱን ውጭ ስለምታጠሩ፥ ወዮላችሁ።አንተ ዕውር ፈሪሳዊ፥ ውጭው ደግሞ ጥሩ እንዲሆን አስቀድመህ የጽዋውንና የወጭቱን ውስጡን አጥራ።እናንተ ግብዞች ጻፎችና ፈሪሳውያን፥ በውጭ አምረው የሚታዩ በውስጡ ግን የሙታን አጥንት ርኩሰትም ሁሉ የተሞሉ በኖራ የተለሰኑ መቃብሮችን ስለምትመስሉ፥ ወዮላችሁ።እንዲሁ እናንተ ደግሞ በውጭ ለሰው እንደ ጻድቃን ትታያላችሁ፥ በውስጣችሁ ግን ግብዝነትና ዓመፀኝነት ሞልቶባችኋል  እናንተ ግብዞች ጻፎችና ፈሪሳውያን፥ የነቢያትን መቃብር ስለምትሠሩ የጻድቃንንም መቃብር ስለምታስጌጡና።በአባቶቻችን ዘመን ኖረን በሆነስ በነቢያት ደም ባልተባበርናቸውም ነበር ስለምትሉ፥ ወዮላችሁ።እንግዲያስ የነቢያት ገዳዮች ልጆች እንደሆናችሁ በራሳችሁ ላይ ትመሰክራላችሁ።እናንተ ደግሞ የአባቶቻችሁን መስፈሪያ ሙሉ።እናንተ እባቦች፥ የእፉኝት ልጆች፥ ከገሃነም ፍርድ እንዴት ታመልጣላችሁ?ስለዚህ፥ እነሆ፥ ነቢያትንና ጥበበኞችን ጻፎችንም ወደ እናንተ እልካለሁ፤ ከእነርሱም ትገድላላችሁ ትሰቅሉማላችሁ፥ ከእነርሱም በምኵራባችሁ ትገርፋላችሁ ከከተማም ወደ ከተማ ታሳድዳላችሁ፤ከጻድቁ ከአቤል ደም ጀምሮ በቤተ መቅደስና በመሠዊያው መካከል እስከ ገደላችሁት እስከ በራክዩ ልጅ እስከ ዘካርያስ ደም ድረስ በምድር ላይ የፈሰሰው የጻድቅ ደም ሁሉ ይደርስባችሁ ዘንድ።እውነት እላችኋለሁ፥ ይህ ሁሉ በዚህ ትውልድ ላይ ይደርሳል።ኢየሩሳሌም ኢየሩሳሌም ሆይ፥ ነቢያትን የምትገድል ወደ እርስዋ የተላኩትንም የምትወግር፥ ዶሮ ጫጩቶችዋን ከክንፎችዋ በታች እንደምትሰበስብ ልጆችሽን እሰበስብ ዘንድ ስንት ጊዜ ወደድሁ! አልወደዳችሁምም።እነሆ፥ ቤታችሁ የተፈታ ሆኖ ይቀርላችኋል።እላችኋለሁና፥ በጌታ ስም የሚመጣ የተባረከ ነው እስክትሉ ድረስ ከእንግዲህ ወዲህ አታዩኝም።”

የኢትዮጲያ ኦርቶዶክስ ተዋህዶ ቤትክርስቲያን ነዋየ ቅድሳት እንጠብቅ በባለቤትነትም እናስከብር

የኢትዮጲያ ኦርቶዶክስ ተዋህዶ ቤትክርስቲያን ሥረዓቶ ሰማያዊ ነው::"በሰማይም ያለው የእግዚአብሔር መቅደስ ተከፈተ፥ የኪዳኑም ታቦት በመቅደሱ ታየ፥ መብረቅና ድምፅም ነጐድጓድም የምድርም መናወጥ ታላቅም በረዶ ሆነ።"ራዕ11:19 እኛ ኦርቶዶክሳውያን አባቶቻችን የሰሩልን ሥረዓት ከሰማይ በማየት ነው በሰማይ መቅደስ አለ በምድርም እንዲሁ በሰማይ ታቦት አለ እንዲሁም በምድር .......ለዚህ ነው ሥረዓታችን ስማያዊ ነው ያልነው::ቅዱስ ነው የተለየ ለዓለም ነገር የማይውል ትልቅ ክብር አለው:: ከአሰራሩ ጀምሮ እስከ ሥም አሰያየሙ ምሥጢር አለው ትርጉም አለው::ይህን ላቆየልን ከምንም በላይ ለአምላክ ምስጋና ክብር ይግባው::በትውፊትም ላቀበሉን ጠንካራ አባቶቻችን ምስጋና ይሁንና እግዚአብሔርን የምናስብበት የክርስቶስን መከራ የምናስተውልበትን ሥርዓት ሰርተውልን አልፈዋል::ለዝህም ነው የቤትክርስቲያን ነዋየ ቅድሳት በቤተመቅደስ ብቻ የሚቀመጠው::

አንድ ታርክ ከመጽሃፍ ቅዱስ እናንሳ
"ንጉሡ ብልጣሶር ለሺህ መኳንንቶቹ ትልቅ ግብዣ አደረገ፥ በሺሁም ፊት የወይን ጠጅ ይጠጣ ነበር።ብልጣሶርም የወይን ጠጅ በቀመሰ ጊዜ ንጉሡና መኳንንቶቹ ሚስቶቹና ቁባቶቹ ይጠጡባቸው ዘንድ። አባቴ ናቡከደነፆር በኢየሩሳሌም ከነበረው መቅደስ ያመጣቸውን የወርቁንና የብሩን ዕቃዎች አምጡ ብሎ አዘዘ።የዚያን ጊዜም በኢየሩሳሌም ከነበረው ከእግዚአብሔር ቤተ መቅደስ የመጡትን የወርቁን ዕቃዎች አመጡ፤ ንጉሡና መኳንንቶቹም ሚስቶቹና ቁባቶቹም ጠጡባቸው።የወይን ጠጅም እየጠጡ ከወርቅና ከብር ከናስና ከብረት ከእንጨትና ከድንጋይ የተሠሩትን አማልክት አመሰገኑ።በዚያም ሰዓት የሰው እጅ ጣቶች ወጥተው በንጉሡ ቤት በተለሰነው ግንብ ላይ በመቅረዙ አንጻር ጻፉ፤ ንጉሡም የሚጽፉትን ጣቶች አየ።የዚያን ጊዜም የንጉሡ ፊት ተለወጠበት፥ አሳቡም አስቸገረው፥ የወገቡም ጅማቶች ተፈቱ፥ ጕልበቶቹም ተብረከረኩ።ንጉሡም አስማተኞቹንና ከለዳውያኑን ቃላተኞቹንም ያገቡ ዘንድ በታላቅ ድምፅ ጮኸ፤ ንጉሡም የባቢሎንን ጠቢባን። ይህን ጽሕፈት ያነበበ ፍቺውንም ያሳየኝ ሐምራዊ ግምጃ ይለብሳል፥ የወርቅም ማርዳ በአንገቱ ዙርያ ይሆንለታል፥ በመንግሥትም ላይ ሦስተኛ ገዥ ይሆናል ብሎ ተናገረ።የዚያን ጊዜም የንጉሡ ጠቢባን ሁሉ ገቡ፤ ነገር ግን ጽሕፈቱን ያነብቡ፥ ፍቺውንም ለንጉሡያስታውቁ ዘንድ አልቻሉም።ንጉሡም ብልጣሶር እጅግ ደነገጠ፥ ፊቱም ተለወጠበት፥ መኳንንቶቹም ተደናገጡ።ንግሥቲቱም ስለ ንጉሡና ስለ መኳንንቱ ቃል ወደ ግብዣ ቤት ገባች፤ ንግሥቲቱም ተናገረች እንዲህም አለች። ንጉሥ ሆይ፥ ሺህ ዓመት ንገሥ፤ አሳብህ.........................
የዚያን ጊዜም ዳንኤል መለሰ በንጉሡም ፊት እንዲህ አለ። ስጦታህ ለአንተ ይሁን፥ በረከትህንም ለሌላ ስጥ፤ ነገር ግን ጽሕፈቱን ለንጉሡ አነብባለሁ ፍቺውንም አስታውቃለሁ።ንጉሥ ሆይ፥ ልዑል አምላክ ለአባትህ ለናቡከደነፆር መንግሥትንና ታላቅነትን ክብርንና ግርማን ሰጠው።ስለ ሰጠው ታላቅነት ወገኖችና አሕዛብ በልዩ ልዩም ቋንቋ የሚናገሩ ሁሉ በፊቱ ይንቀጠቀጡና ይፈሩ ነበር፤ የፈቀደውን ይገድል፥ የፈቀደውንም በሕይወት ያኖር ነበር፤ የፈቀደውንም ያነሣ፥ የፈቀደውንም ያዋርድ ነበር።ልቡ ግን በታበየ በኵራትም ያደርግ ዘንድ መንፈሱ በጠነከረ ጊዜ፥ ከመንግሥቱ ዙፋን ተዋረደ፥ ክብሩም ተለየው።ልዑል አምላክም በሰዎች መንግሥት ላይ እንዲሠለጥን፥ የሚወድደውንም እንዲሾምበት እስኪያውቅ ድረስ ከሰው ልጆች ተይለቶ ተሰደደ፥ ልቡም እንደ አውሬ ልብ ሆነ፥ መኖሪያውም ከምድረ በዳ አህዮች ጋር ነበረ፤ እንደ በሬ ሣር በላ፥ አካሉም በሰማይ ጠል ረሰረሰ።ብልጣሶር ሆይ፥ አንተ ልጁ ስትሆን ይህን ሁሉ እያወቅህ በሰማይ ጌታ ላይ ኰራህ እንጂ ልብህን አላዋረድህም።የመቅደሱንም ዕቃዎች በፊትህ አመጡ፥ አንተም መኳንንትህም ሚስቶችህም ቁባቶችህም የወይን ጠጅ ጠጣችሁባቸው፤ ከብርና ከወርቅም ከናስና ከብረትም ከእንጨትና ከድንጋይም የተሠሩትን የማያዩትንም የማይሰሙትንም የማያውቁትንም አማልክት አመሰገንህ፤ ትንፋሽህንና መንገድህን ሁሉ በእጁ የያዘውን አምላክ አላከበርኸውም።ስለዚህም እነዚህ የእጅ ጣቶች ከእርሱ ዘንድ ተልከዋል፤ ይህም ጽሕፈት ተጽፎአል።የተጻፈውም ጽሕፈት። ማኔ ቴቄል ፋሬስ ይላልየነገሩም ፍቺ ይህ ነው፤ ማኔ ማለት፥ እግዚአብሔር መንግሥትህን ቈጠረው ፈጸመውም ማለት ነው።ቴቄል ማለት፥ በሚዛን ተመዘንህ፥ ቀልለህም ተገኘህ ማለት ነው።ፋሬስ ማለት፥ መንግሥትህ ተከፈለ፥ ለሜዶንና ለፋርስ ሰዎችም ተሰጠ ማለት ነው።"ትንቢተ ዳንኤል 5:1-28

እንደተባለ በዛሬ ጊዜ የቤተመቅደሱን ንዋየ ቅድሳት ያለከልካይ ህገወጥ የሆኑ ሰዎች በየአዳራሹ በየሜዳው ይዘውት ይገኛል::ይህንን ደግሞ ማስቆም ያለብን እኛው ምዕመናን ብቻ ነን እኛ ማንንም አንጠብቅም ሥርዓታችን መፍረስ የለበትምና::ነዋየ ቅድሳት መጠብቅ በባለቤትነትም ማስከበር የኛ ፍንታ ነው::ሁላችንም እግዚአብሔርን ይዘን እማምላክን መከታ አድርገን በቅዱሳን ተደግፈን መስቀል ተመርኩዘን ወንጌልን ተጫምተን የሚያሸንፈን ማንም የለም::አትጠራጠሩ እግዚአብሔር ከእኛ ጋር ነውና::ይህንንም ለማድረግ ምዕመናኑን ግንዛቤ ማስጨበጥ የድጋፍ ፊርማ ማሰባሰብና ምዕመናኑ መብቱን ራሱ ሌላ ሰው ወይም አካል ሳይጠብቅ እንዲያስከብር ማድረግ አለብን::ስለዚህም ይህንን ለምታገኙት ሰው አስተላልፉ በፌስቡክ ተወያዩ በብሎጎች ላይ ይውጡ::

እኛ እራሳችን ካልጠበቅነው ባለቤትነታችንን ካላስከበርነው ወደፊት ይህም መወሰዱ አይቀርም
"የኢትዮጵያ ኦርቶዶክስ መብቶን እኛ ልጆቾ እናስከብር"
ነዋየ ቅዱሳቱ በረከሰ ቦታ እንዲወጡ አንፈቅድም
ይህንንም ለማድረግ ይረዳን ዘንድ ይህንን የፌስቡክ ግሩፕ ጆይን ያድርጉ ከርስዎ የሚጠበቅብዎትንም ያደርጉ 
http://www.facebook.com/groups/280970945296065/members/#!/groups/280970945296065/28098263196156/?notif_t=group_activity
(የኢትዮጲያ ኦርቶዶክስ ተዋህዶ ቤትክርስቲያን ነዋየ ቅድሳት እንጠብቅ በባለቤትነትም እናስከብር)
ለዚህም የጅማሬና የፍጻሜ ባለቤት የሆነው እግዚአብሄር ይርዳን የቅዱስ ያሬድ በረከቱ ና ጽናቱ አይለየን:: 


ቸር ይግጠመን